إوعى الجمبرى يعضك.. جمله من التراث المصرى الحديث يرددها البعض منا لشخص مقرب اليه كنوع من الفجأه المفجأه عند السرحان..وقتها يكون رد فعل المغضوض عليه.. يخرب بيتك خضتنى

هكذا يفعل السلفيين فى مصر الأن فكل يوم يزدادوا خبره فى كيفية محو أثار الرهبه التى تركها هتلر وأعوانه :)
أصبحوا وبمرور الوقت جزء لا يتجزأ من المجتمع..أرجو أن نضع مليون خط تحت كلمة المجتمع

فالمجتمع الذى نعرفه هو من يعانى من كل شئ حتى المعاناه نفسها

وبمرور الوقت أيضا تدارك السلفيين وتشبسوا بالفرصه وتركوا كل من يهاجم يهاجم.. فماجنوا من هجومهم شئ سوى..الكسفه والوكسه

بالأمس القريب خرج الكل والبعض والجزء والنكره والمعروف والقبيح والمأمرك والغربى والجوزى واللوزى.. حتى يرهبونا بخطر سيداهمنا إسمه السلفيين.. عووووووووووووو

أتذكر مارد وشوشنى فى الكارتون الرائع شركة المرعبين المحدوده... فكل منهم أخبرنا بأن الواحد منا يجب أن يأخذ حذره ويتغطأ كويس حتى لايرى مارد وشوشنى فى المنام..أو عقلة الصوباع أو ابو دقن مسلوخه ..عووووووو

وعلي سبيل المثال وليس الحصر..

من وراء المرأه يظهر أحمد رجب والرجل اللي معاه بمنتهى الفقاقه ليعرى جسد الحريه فى عمل فنى رائع لينال من السلفيين ..الوجه الاخر لدمار مصر..عووووووووووو

وفى المراه نفسها ترى برامج التوك شو.. وبثينه كامل مرشحة الرئاسه القادمه ان شاء الله .عند أمه ياأدهم.. تطالب بإعتقال السلفيين..لأنهم خطر على بطاقة الرقم القومى

أما أمام المرأه أرى شباب السلفيين يقوموا بالغزوات المختلفه فى شتى محافظات مصر ليثبتو أن المشكله مش فى أبو دقن المشكله فى اللي عنده مشكله من أبو دقن

لست فى حاجه لكتابة مقال للدفاع عن السلفيين..ولكن أرجو أن نتخلي قليلا عن ذلك المشهد الذى رسمه عادل امام فى الارهابى للراجل أوب لابيه ودقن وزبيبه..فلا تجادل ولا تناقش يااخ على.. وحيد حامد وحده هو من كتبها

ثانيه واحده يعني انت عاوز تقول ان السلفيين دول ملايكه

لا طبعا..ولا احنا كمان ملايكه.. فكل منا بمختلف إنتمائاته وإختلافاته يخطا ومش ملاك..حتى أبو تريكه بيغلط :)
ولكن لو كنت ترى السلفي خطر... فأنا سلفى.. لو هقف أورزع الانابيب

لو كنت ترى السلفى متزمت.. فأنا سلفى وأنا بوزع العيش على الناس..وبسمع أحلى دعوه فى الدنيا

لو كنت ترى أن السلفى مش كوول.. فأنا سلفى ومعايا أى فون جامد طحن

الوقت وقت العمل لا وقت الندوات والمناظرات والمشاحنات والائتلافات والحوارات والاشتغلات

فسأخذ من السلفي الجيد واترك له الكوخه الذى لا يعجبنى.. فمصر الأن مش شركة المرعبين المحدوده

وعشان كده أنا سلفى بس مش أوى